അഖിലേന്ത്യാ സെവൻസ് സീസണിലെ ആദ്യ കിരീടം ഉഷാ എഫ് സി സ്വന്തമാക്കി. ചെർപ്പുളശ്ശേരി അഖിലേന്ത്യാ സെവൻസിൽ ഇന്ന് നടന്ന ഫൈനലിൽ ജിംഖാന തൃശ്ശൂരിനെ തോൽപ്പിച്ച് ആണ് ഉഷാ എഫ് സി കിരീടം നേടിയത്. ഈ സീസണിൽ മികച്ച ടീമും ആയി എത്തി ഉഷ എഫ് സി ഇന്ന് ഒന്നിനെതിരെ രണ്ടു ഗോളുകൾക്കാണ് വിജയിച്ചത്.
ആദ്യ പകുതിയിൽ ഉഷാ തൃശ്ശൂരും ജിംഖാനയും ഒരോ ഗോൾ വീതം നേടി സമനിലയിൽ പിരിഞ്ഞു. രണ്ടാം പകുതിയിൽ ഉഷ രണ്ടാം ഗോൾ കണ്ടെത്തിയപ്പോക്ക് ജിംഖാനക്ക് മറുപടി ഉണ്ടായിരുന്നില്ല. സെമി ഫൈനലിൽ ഉഷാ തൃശ്ശൂർ ഫ്രണ്ട്സ് മമ്പാടിനെ തോൽപ്പിച്ചിരുന്നു. സബാൻ കോട്ടക്കൽ, ലക്കി സോക്കർ എന്നിവരും മുൻ റൗണ്ടുകളിൽ ചെർപ്പുളശ്ശേരിയിൽ ഉഷക്ക് എതിരെ പരാജയപ്പെട്ടിരുന്നു.
