സാവി യുഗത്തിലെ ആദ്യ വലിയ സൈനിംഗ് ബാഴ്സലോണ പൂർത്തിയാക്കി. മാഞ്ചസ്റ്റർ സിറ്റിയുടെ അറ്റാക്കിംഗ് താരമായ ഫെറാൻ ടോറസുമായി ബാഴ്സലോണ കരാറിൽ എത്തി. ഉടൻ തന്നെ ബാഴ്സലോണ ഈ ട്രാൻസ്ഫർ ഔദ്യോഗികമായി പ്രഖ്യാപിക്കും. 65 മില്യൺ യൂറോ ആണ് ട്രാൻസ്ഫർ തുക. ഫെറാൻ ടോറസ് ബാഴ്സലോണയിൽ നാലു വർഷത്തെ കരാർ ആകും ഒപ്പുവെക്കുക.
ജനുവരി തുടക്കത്തിൽ തന്നെ താരം ബാഴ്സലോണക്കായി കളിക്കും. നേരത്തെ ബാഴ്സലോണ ഫ്രീ ട്രാൻസ്ഫറിൽ സൈൻ ചെയ്ത ഡാനി ആല്വസും ജനുവരിയിൽ ബാഴ്സലോണക്കായി കളിക്കും. വലൻസിയയുടെ താരമായിരുന്നു ടോറസ് കഴിഞ്ഞ സീസണിലാണ് മാഞ്ചസ്റ്റർ സിറ്റിയിൽ എത്തിയത്.
ഫെറാൻ ടോറസ് എത്തുന്നതിന് പിന്നാലെ ബാഴ്സലോണയിൽ നിന്ന് ജനുവരിയിൽ ഒരു വലിയ താരം ക്ലബ് വിടാൻ സാധ്യത ഉണ്ട്.
