ഇന്ത്യ വിന്‍ഡീസ് ഏകദിന പരമ്പരയിലെ അഞ്ചാമത്തെയും അവസാനത്തെയും ഏകദിനം ഒക്ടോബര്‍ 17നു ആരംഭിക്കും. നവംബര്‍ 1നു കേരളപ്പിറവി ദിനത്തിലാണ് തലസ്ഥാന നഗരിയില്‍ ഏകദിന മത്സരം അരങ്ങേറുക. കഴക്കൂട്ടം സ്പോര്‍ട്സ് ഹബ്ബ് സ്റ്റേഡിയത്തില്‍ നടക്കുന്ന രണ്ടാമത്തെ അന്താരാഷ്ട്ര മത്സരമാണിത്. കഴിഞ്ഞ വര്‍ഷം ഇന്ത്യ ന്യൂസിലാണ്ട് ടി20 മത്സരം സംഘടിപ്പിക്കപ്പെട്ടുവെങ്കിലും അന്ന് മഴ മൂലം 8 ഓവര്‍ മാത്രമാണ് മത്സരം നടന്നത്.
ദിവസം മുഴുവന്‍ മഴ പെയ്തിട്ടും വെള്ളം വറ്റിച്ച് ചെറിയ തോതില്ലെങ്കിലും മത്സരം നടത്തുവാന്‍ സാധിച്ചതിനെ അന്ന് ഏവരും പ്രശംസിച്ചിരുന്നു. ലോകത്തിലെ തന്നെ ഏറ്റവും മികച്ച ഡ്രെയിനേജ് സംവിധാനമുള്ള സ്റ്റേഡിയമാണ് തിരുവനന്തപുരം സ്പോര്‍ട്സ് ഹബ്ബ് സ്റ്റേഡിയം.
