ഡോപ് ടെസ്റ്റിൽ പരാജയപ്പെട്ട് സുമിത് മാലിക്, ടോക്കിയോ ഒളിമ്പിക്സിനില്ല

Sumitmalik
- Advertisement -

ബൾഗേറിയയിൽ നടന്ന യോഗ്യത റൗണ്ടിൽ നടത്തിയ ഡോപ് ടെസ്റ്റിൽ പരാജയപ്പെട്ട് ഇന്ത്യയുടെ ഗുസ്തി താരം സുമിത് മാലിക്. ഇതോടെ താരത്തിന് ഒളിമ്പിക്സിന് പോകാനാകില്ല. 2016 റിയോ ഒളിമ്പിക്സിന് മുമ്പും ഇതു പോലെ നര്‍സിംഗ് യാദവ് ഡോപ് ടെസ്റ്റിൽ പരാജയപ്പെട്ടിരുന്നു. മാലികിനെ റസലിംഗ് ഫെഡറേഷൻ സസ്പെന്‍ഡ് ചെയ്തു. ഇതിനെതിരെ താരത്തിന് അപ്പൽ പോകാമെങ്കിലും അതിലെ നടപടികൾ കഴിയുമ്പോളേക്കും ഒളിമ്പിക്സ് കഴിയുവാനുള്ള സാധ്യത ഏറെയാണ്.

49 ദിവസങ്ങൾ കൂടിയാണ് ഒളിമ്പിക്സിനായി ഇനി ബാക്കിയുള്ളത്. നാല് വനിതകളും നാല് പുരുഷന്മാരുമാണ് ഗുസ്തി വിഭാഗത്തിൽ ടോക്കിയോയിൽ ഇന്ത്യയെ പ്രതിനിധീകരിക്കുവാനിരുന്നത്. കഴി‍ഞ്ഞ മാസമാണ് താരം 125 കിലോ വിഭാഗത്തിൽ യോഗ്യത നേടിയത്.

ജൂൺ പത്തിന് താരത്തിന്റെ ബി സാംപിൾ പരിശോധനയ്ക്കായി അയയ്ക്കും.

Advertisement