ലെസ്റ്റർ മിഡ്ഫീൽഡർ ജെയിംസ് മാഡിസണിനായി ന്യൂകാസിൽ പുതിയ 50 മില്യൺ പൗണ്ടിന്റെ ബിഡ് സമർപ്പിച്ചതായി സ്കൈ സ്പോർട്സ് റിപ്പോർട്ട് ചെയ്യുന്നു. ന്യൂകാസിലിന്റെ £40 മില്യന്റെ ആദ്യ ബിഡ് ക്ലബ് നിരസിച്ചിരുന്നു. 25കാരനായ മാാഡിസണായുള്ള പുതിയ ബിഡും ഇതുവരെ ലെസ്റ്റർ സ്വീകരിച്ചിട്ടില്ല. 60 മില്യൺ എങ്കിലും ലഭിച്ചാൽ മാത്രമേ ലെസ്റ്റർ മാഡിസണെ വിട്ടു നൽകുകയുള്ളൂ.
2018 ജൂണിൽ നോർവിച്ചിൽ നിന്ന് 24 മില്യൺ പൗണ്ടിന് ആയിരുന്നു മാഡിസൻ ലെസ്റ്ററിൽ എത്തിയത്. കഴിഞ്ഞ സീസണിൽ ലെസ്റ്ററിനായി 53 മത്സരങ്ങളിൽ നിന്ന് 18 ഗോളുകളും 12 അസിസ്റ്റുകളും മാഡിസൺ നേടിയിരുന്നു. ന്യൂകാസിലിന്റെ ഓഫർ അംഗീകരിക്കപ്പെടുകയാണെങ്കിൽ മാഡിസൺ ക്ലബിന്റെ റെക്കോർഡ് സൈനിംഗായി മാറും.
