അഭിമാനമായി ശീതൾ ദേവി, കൈകളില്ലാത്ത അമ്പെയ്ത്തുകാരി ഇന്ത്യക്ക് ആയി സ്വർണ്ണം നേടി

ഏഷ്യൻ പാരാ ഗെയിംസിൽ ഇന്ത്യക്ക് ആയി സ്വർണ്ണം നേടി ശീതൾ ദേവി. ലോക ചാമ്പ്യൻഷിപ്പിൽ വെള്ളി മെഡൽ ജേതാവ് ആയ ശീതൾ ദേവി ഇന്ന് സിംഗപ്പൂർ താരം ആലിമിനെ തോൽപ്പിച്ച് ആണ് സ്വർണ്ണം നേടിയത്. ലോകത്തിലെ ആദ്യത്തെ കൈകളില്ലാത്ത വനിതാ അമ്പെയ്ത്തുകാരി ആണ് ശീതൾ ദേവി. തുടർച്ചയായി ആറ് തവണ 10 സ്കോർ ചെയ്യാൻ അവർക്ക് ആയി. ആലിമിനെ 144-142 എന്ന സ്‌കോറിന് ആണ് തോൽപ്പിച്ചു.

നേരത്തെ ടീം ഇവന്റിലും ശീതൾ ദേവി സ്വർണ്ണം നേടി. ആകെ മൂന്ന് മെഡൽ ശീതൽ നേടി. ഇന്ത്യ ഇതുവരെ 24 സ്വർണ്ണവും 27 വെള്ളിയും 43 വെങ്കലവും അടക്കം 94 മെഡൽ നേടി. ഇന്ത്യയുടെ എക്കാലത്തെയും മികച്ച മെഡൽ നേട്ടമാണ് ഇത്.