ക്രിക്കറ്റിന്റെ എല്ലാ ഫോർമാറ്റിൽ നിന്നും വിരമിക്കൽ പ്രഖ്യാപിച്ച് ചെന്നൈ സൂപ്പർ കിങ്‌സ് താരം ഷെയിൻ വാട്സൺ. ഇന്ത്യൻ പ്രീമിയർ ലീഗിൽ ചെന്നൈ സൂപ്പർ കിങ്സിന്റെ അവസാന മത്സരം ജയിച്ചതിന് ശേഷം ഡ്രസിങ് റൂമിൽ തന്റെ സഹ താരങ്ങളോടാണ് സജീവ ക്രിക്കറ്റിൽ നിന്ന് താൻ വിരമിക്കുകയാണെന്ന് ഷെയിൻ വാട്സൺ പറഞ്ഞത്. ചെന്നൈ സൂപ്പർ കിങ്സിന് കളിയ്ക്കാൻ കഴിഞ്ഞത് ഒരു വലിയ കാര്യമായി താൻ കരുതുന്നുണ്ടെന്നും ഷെയിൻ വാട്സൺ പറഞ്ഞു.
നേരത്തെ തന്നെ ഷെയിൻ വാട്സൺ അന്താരാഷ്ട്ര ക്രിക്കറ്റിൽ നിന്ന് വിരമിച്ചിരുന്നു. ഇന്ത്യൻ പ്രീമിയർ ലീഗിൽ രാജസ്ഥാൻ റോയൽസിന് വേണ്ടിയും റോയൽ ചലഞ്ചേഴ്‌സ് ബാംഗ്ലൂരിന് വേണ്ടിയും ഷെയിൻ വാട്സൺ കളിച്ചിട്ടുണ്ട്. 2018ൽ രാജസ്ഥാൻ റോയൽസ് കിരീടം നേടിയപ്പോൾ വാട്സൺ മികച്ച പ്രകടനം പുറത്തെടുത്തിരുന്നു. ഇന്ത്യൻ പ്രീമിയർ ലീഗിൽ 145 മത്സരങ്ങൾ വാട്സൺ കളിച്ചിട്ടുണ്ട്. അതിൽ 43 മത്സരങ്ങൾ ചെന്നൈ സൂപ്പർ കിങ്സിന് വേണ്ടിയാണ് കളിച്ചത്.
