ഷാക്കിബ് അൽ ഹസന് ധാക്കയിൽ ഇന്ത്യയ്ക്കെതിരെയുള്ള രണ്ടാം ടെസ്റ്റിൽ ബൗളിംഗിനുണ്ടാകുമെന്ന് പറഞ്ഞ് ബംഗ്ലാദേശ് പേസ് ബൗളിംഗ് കോച്ച് അലന് ഡൊണാള്ഡ്. ചട്ടോഗ്രാമിൽ താരം വെറും 12 ഓവറുകള് മാത്രമാണ് എറിഞ്ഞത്. ഏകദിന പരമ്പരയിലെ രണ്ടാം മത്സരത്തിനേറ്റ പരിക്ക് അലട്ടുന്നതിനാലായിരുന്നു താരം ബൗളിംഗ് നിയന്ത്രിച്ചത്.
രണ്ടാം മത്സരത്തിൽ ഷാക്കിബ് ബാറ്റ്സ്മാനായി മാത്രം കളിച്ചേക്കുമെന്നാണ് ടീം കോച്ച് റസ്സൽ ഡൊമിംഗോ ആദ്യ സൂചന നൽകിയത്. അതേ സമയം ഷാക്കിബിന് ബാക്കപ്പെന്ന നിലയിൽ ബംഗ്ലാദേശ് നസും അഹമ്മദിനെ ടീമിലേക്ക് എത്തിക്കുകയും ചെയ്തിരുന്നു.
ഇപ്പോള് ബംഗ്ലാദേശ് ആരാധകരുടെ എല്ലാ സംശയവും ദൂരീകരിച്ചാണ് അലന് ഡൊണാള്ഡ് രംഗത്തെത്തിയിരിക്കുന്നത്. ഷാക്കിബ് സെലക്ഷന് ലഭ്യമാണെന്നും ധാക്കയിൽ ബൗളിംഗിനും താരം ഉണ്ടാകുമെന്നാണ് ഷാക്കിബിനെക്കുറിച്ച് ഡൊണാള്ഡ് പറഞ്ഞത്.
