ഷഹീൻ അഫ്രീദി ഏകദിന റാങ്കിംഗിൽ ഒന്നാം സ്ഥാനത്ത്. ഏഴ് സ്ഥാനങ്ങൾ മെച്ചപ്പെടുത്തി ആണ് ഏകദിന ബൗളിംഗ് റാങ്കിങ്ങിൽ ഷഹീൻ ഒന്നാം സ്ഥാനത്തെത്തിയത്. 673 റേറ്റിംഗ് പോയിന്റുമായി ഓസ്‌ട്രേലിയൻ ഫാസ്റ്റ് ബൗളർ ജോഷ് ഹാസിൽവുഡിനെയാണ് ഇടങ്കയ്യൻ പേസർ മറികടന്നത്.
ഇന്നലെ തന്റെ 51-ാം മത്സരത്തിൽ ഏകദിനത്തിൽ ഏറ്റവും വേഗത്തിൽ 100 വിക്കറ്റ് വീഴ്ത്തുന്ന പേസർ ആയി ഷഹീൻ മാറിയിരുന്നു. ഈ ലോകകപ്പിൽ ഏഴ് മത്സരങ്ങളിൽ നിന്ന് 16 വിക്കറ്റുകൾ ഷഹീൻ വീഴ്ത്തി കഴിഞ്ഞു.
ഹേസിൽവുഡ്, ഇന്ത്യയുടെ മുഹമ്മദ് സിറാജ്, ദക്ഷിണാഫ്രിക്കയുടെ കേശവ് മഹാരാജ്, ന്യൂസിലൻഡിന്റെ ട്രെന്റ് ബോൾട്ട്, അഫ്ഗാനിസ്ഥാന്റെ റാഷിദ് ഖാൻ, ഇന്ത്യയുടെ കുൽദീപ് യാദവ്, അഫ്ഗാനിസ്ഥാന്റെ മുജീബ് ഉർ റഹ്മാൻ എന്നിവർ റാങ്കിംഗിൽ ഒരോ സ്ഥാനം വീതം താഴേക്ക് പോയി.
