ഇറാനി കപ്പിൽ റെസ്റ്റ് ഓഫ് ഇന്ത്യയ്ക്കെതിരെ രണ്ടാം ഇന്നിംഗ്സിൽ സൗരാഷ്ട്രയ്ക്ക് രണ്ട് വിക്കറ്റ് നഷ്ടം. ഇന്ന് മത്സരത്തിന്റെ രണ്ടാം ദിവസം അവസാനിക്കുമ്പോള്‍ സൗരാഷ്ട്ര 49/2 എന്ന നിലയിലാണ്. സൗരാഷ്ട്രയുടെ ഒന്നാം ഇന്നിംഗ്സ് 98 റൺസിന് അവസാനിച്ച ശേഷം റെസ്റ്റ് ഓഫ് ഇന്ത്യ 374 റൺസാണ് നേടിയത്.
ചേതന്‍ സക്കറിയ സൗരാഷ്ട്രയ്ക്കായി 5 വിക്കറ്റ് നേടിയപ്പോള്‍ ഇന്നലെ ശതകം നേടിയ സര്‍ഫ്രാസിനും(138) ഹനുമ വിഹാരിയ്ക്കും(82) പുറമെ ജയന്ത് യാദവും(37) സൗരഭ് കുമാറും(55) ബാറ്റിംഗിൽ റെസ്റ്റ് ഓഫ് ഇന്ത്യയ്ക്കായി തിളങ്ങി.
രണ്ടാം ഇന്നിംഗ്സിൽ സൗരാഷ്ട്രയ്ക്ക് ഹാര്‍വിക് ദേശായി(20), സ്നെൽ പട്ടേൽ(16) എന്നിവരുടെ വിക്കറ്റുകളാണ് നഷ്ടമായത്. ഇരു വിക്കറ്റുകളും സൗരഭ് കമാര്‍ നേടി.
