ഫ്രഞ്ച് ഓപ്പൺ പുരുഷ ഡബിള്‍സ് കിരീടം നേടി സാത്വിക്സായിരാജ് – ചിരാഗ് ഷെട്ടി കൂട്ടുകെട്ട്. ഇന്നലെ നടന്ന ഫൈനലിൽ അവര്‍ ലോക റാങ്കിംഗിൽ 25ാം സ്ഥാനക്കാരായ ചൈനീസ് തായ്പേയ് താരങ്ങളെ നേരിട്ടുള്ള ഗെയിമുകളിലാണ് ഫൈനലില്‍ പരാജയപ്പെടുത്തിയത്.
21-13, 21-19 എന്ന സ്കോറിനാണ് തങ്ങളുടെ ആദ്യ ബിഡബ്ല്യുഎഫ് വേള്‍ഡ് ടൂര്‍ 750 കിരീടം ഇവര്‍ സ്വന്തമാക്കിയത്. ഈ കൂട്ടകുെട്ടിന്റെ മൂന്നാമത്തെ കിരീടം ആണ് ഇത്.
ടൂര്‍ണ്ണമെന്റിന്റെ വനിത സിംഗിള്‍സ് വിഭാഗത്തിൽ കരോളിന മാരിനെ 16-21, 21-9, 22-20 എന്ന സ്കോറിന് ത്രില്ലര്‍ മത്സരത്തിൽ പരാജയപ്പെടുത്തി ചൈനയുടെ ഹേ ബിംഗ് ജിയോവോ കിരീടം നേടിയപ്പോള്‍ പുരുഷ വിഭാഗത്തിൽ ഡെന്മാര്‍ക്ക് താരങ്ങളുടെ പോരാട്ടത്തിൽ റാസ്മസ് ഗെംകേയെ പരാജയപ്പെടുത്തി വിക്ടര്‍ അക്സൽസെന്‍ കിരീടം നേടി.
