ബാഴ്‌സയുടെ ബ്രസീലിയൻ താരമായ മാർലോണിനെ സ്വന്തമാക്കാൻ ഇറ്റാലിയൻ ക്ലബായ സസുവോളോ. പ്രതിരോധ താരമായ മാർലോണിനെ സ്വന്തമാക്കാൻ യൂറോപ്പിലെ മറ്റു ടീമുകളും ശ്രമിക്കുന്നുണ്ട്. ആറ് മില്യൺ യൂറോയ്ക്കാണ് ലാ ലീഗയിൽ നിന്നും സീരി എ യിലേക്കുള്ള മാർലോണിന്റെ ചുവടുമാറ്റം എന്നാണ് റിപ്പോർട്ടുകൾ വരുന്നത്.
ബ്രസീലിയൻ ക്ലബായ ഫ്ലുമിനിസിൽ കളിയാരംഭിച്ച മാർലോൺ ലോണിലാണ് ആദ്യം സ്‌പെയിനിൽ എത്തുന്നത്. ബാഴ്‌സയുടെ രണ്ടാം ടീമിന് കളിച്ച താരത്തെ പിന്നീട് കാറ്റാലൻസ് സ്വന്തമാക്കുകയായിരുന്നു. കഴിഞ്ഞ സീസണിൽ ഫ്രഞ്ച് ലീഗിൽ നീസിനൊപ്പമായിരുന്നു മാർലോൺ. ബാഴ്‌സലോണയ്‌ക്കൊപ്പം കോപ്പ ഡെൽ റേ കിരീടമുയർത്തിയിട്ടുണ്ട് മാർലോൺ
കൂടുതൽ കായിക വാർത്തകൾക്ക് : www.facebook.com/FanportOfficial
