ഇപ്പോള്‍ നടക്കുന്ന സീസണിന് ശേഷം പ്രൊഫഷണൽ ടെന്നീസിൽ നിന്ന് വിരമിക്കുമെന്ന് അറിയിച്ച് സാനിയ മിര്‍സ. തന്റെ ശരീരം ഇപ്പോള്‍ പ്രതികരിക്കുന്നത് വെച്ച് താന്‍ ഈ സീസൺ പൂര്‍ത്തിയാക്കുമോ എന്ന് പോലും തനിക്ക് സംശയം ഉണ്ടെന്നും സാനിയ മിര്‍സ വ്യക്തമാക്കി.
35 വയസ്സുള്ള സാനിയ ഓസ്ട്രേലിയന്‍ ഓപ്പൺ വനിത ഡബിള്‍സിന്റെ ആദ്യ റൗണ്ടിൽ പുറത്തായിരുന്നു. 12ാം സീഡായ സാനിയ – നാദിയ സഖ്യം ആദ്യ റൗണ്ടിൽ തന്നെ 4-6, 6-7 എന്ന സ്കോറിനായിരുന്നു പരാജയപ്പെട്ടത്.
