കേരള ബ്ലാസ്റ്റേഴ്സ് താരം സഹൽ അബ്ദുൽ സമദ് പരിശീലനം പുനരാരംഭിച്ചു. താരം പരിക്ക് മാറി കഴിഞ്ഞ ദിവസം മുതൽ കൊച്ചിയിൽ ടീമിനൊപ്പം പരിശീലനം നടത്തി. താരത്തിന്റെ കാലിലേറ്റ പരിക്കിൽ നടത്തിയ സ്കാനിൽ ഫ്രാക്ചർ ഇല്ല എന്ന് മനസ്സിലായിരുന്നു. താരം ആദ്യ മത്സരത്തിൽ കേരള ബ്ലാസ്റ്റേഴ്സിന് ഒപ്പം ഉണ്ടാകും എന്ന് തന്നെ പ്രതീക്ഷിക്കപ്പെടുന്നു.
ഐ എസ് എൽ സീസൺ തുടങ്ങാൻ ഇനി 3 ദിവസങ്ങൾ മാത്രം ആണ് ബാക്കിയുള്ളത്. ഇന്ത്യയും വിയ്റ്റ്നാമും തമ്മിലുള്ള സൗഹൃദ മത്സരത്തിന്റെ ആദ്യ പകുതിയിലാണ് സഹൽ അബ്ദുൽ സമദിന് പരിക്കേറ്റത്. 35ആം മിനുട്ടിൽ കാലിന് വേദന അനുഭവപ്പെട്ട സഹൽ ഉടൻ തന്നെ അന്ന് കളം വിട്ടിരുന്നു.
ഒക്ടോബർ 7ന് ഈസ്റ്റ് ബംഗാളിനെ ആണ് ബ്ലാസ്റ്റേഴ്സ് ആദ്യ മത്സരത്തിൽ നേരിടുക.
