ഇന്ന് ഓസ്ട്രേലിയക്ക് എതിരായ ഇന്നിങ്സോടെ ഒരു പുതിയ റെക്കോർഡ് ഇട്ടിരിക്കുകയാണ് ഇന്ത്യൻ ഓപണർ രോഹിത് ഷർമ്മ. ഓസ്ട്രേലിയക്ക് എതിരെ ഏറ്റവും വേഗതയിൽ 2000 ഏകദിന റൺസ് സ്കോർ ചെയ്യുന്ന താരമായാണ് രോഹിത് ഇന്നത്തെ ഇന്നിങ്സോടെ മാറിയത്. 37 ഇന്നിങ്സിൽ നിന്നാണ് രോഹിത് ഷർമ്മ 2000 റൺസിൽ എത്തിയത്.
ഇതുവരെ ഇതിഹാസ താരം സച്ചിൻ ടെൻഡുൽക്കർക്കായിരുന്നു ഈ റെക്കോർഡ്. സച്ചിൻ 40 ഇന്നിങ്സുകളിൽ നിന്നായിരുന്നു 2000 റൺസ് നേടിയത്. ഓസ്ട്രേലിയക്ക് എതിരെ 2000 ഏകദിന റൺസ് നേടുന്ന നാലാമത്തെ താരമായും രോഹിത് മാറി. രോഹിതിനെയും സച്ചിനെയും കൂടാതെ റിച്ചാർഡ്സ്, ഹെയ്നെസ എന്നിവരെ ഈ നേട്ടത്തിൽ എത്തിയിട്ടുള്ളൂ. 3077 ഏകദിന റൺസ് സച്ചിൻ ഓസ്ട്രേലിയക്ക് എതിരെ നേടിയിട്ടുണ്ട്.
ഓസ്ട്രേലിയക്ക് എതിരെ മാത്രമല്ല ഏകദിന ക്രിക്കറ്റി ഏതെങ്കിലും ഒരു താരം ഒരു എതിരാളിക്ക് എതിരെ നേടുന്ന വേഗതയേറിയ 2000 കൂടിയാണ് രോഹിതിന്റെ ഈ 2000.
