വിജയ് ഹസാരെ ട്രോഫിയിലെ മൂന്നാം ക്വാര്‍ട്ടര്‍ ഫൈനലില്‍ വിജയം കരസ്ഥമാക്കി ആസാം. ആദ്യം ബാറ്റ് ചെയ്ത ജമ്മു & കാശ്മീര്‍ ശുഭം ഖജൂറിയ(120), ഹെനന്‍ നസീര്‍(124) എന്നിവര്‍ നേടിയ ശതകങ്ങള്‍ക്കൊപ്പം 53 റൺസ് നേടിയ ഫാസിൽ റഷീദും തിളങ്ങിയ മികവിൽ 350/7 എന്ന കൂറ്റന്‍ സ്കോര്‍ നേടിയപ്പോള്‍ 46.1 ഓവറിൽ ലക്ഷ്യം മറികടന്ന് ആസാം എതിരാളികളെ ഞെട്ടിക്കുകയായിരുന്നു.
116 പന്തിൽ 174 റൺസ് നേടിയ റിയാന്‍ പരാഗിന്റെ തട്ടുപൊളിപ്പന്‍ ഇന്നിംഗ്സാണ് ആസാമിന് 7 വിക്കറ്റ് വിജയം നൽകിയത്. റിഷവ് ദാസ് 114 റൺസുമായി പുറത്താകാതെ നിന്ന് ടീമിനെ സെമിയിലേക്ക് എത്തിക്കുകയായിരുന്നു.
