ഇര്‍വിനും റാസയും സിംബാബ്‍വേയുടെ സൂപ്പര്‍ 12ലെ സ്ഥാനം ഉറപ്പാക്കി

Zimbabwe

ടി20 ലോകകപ്പിൽ സൂപ്പര്‍ 12ലെ സ്ഥാനം ഉറപ്പാക്കി സിംബാബ്‍വേ. ഗ്രൂപ്പ് ടോപ്പറായ സിംബാബ്‍വേ ഇതോടെ ഇന്ത്യയും പാക്കിസ്ഥാനും ഉള്‍പ്പെടുന്ന ഗ്രൂപ്പിലേക്ക് എത്തി. 133 റൺസ് വിജയ ലക്ഷ്യം തേടിയിറങ്ങിയ സിംബാബ്‍വേ 5 വിക്കറ്റ് നഷ്ടത്തിൽ 18.3 ഓവറിലാണ് ലക്ഷ്യം നേടി സ്കോട്ലാന്‍ഡിന്റെ ലോകകപ്പ് അവസാനിപ്പിച്ചത്.

ക്രെയിഗ് ഇര്‍വിന്‍ 58 റൺസ് നേടിയപ്പോള്‍ 23 പന്തിൽ 40 റൺസ് നേടിയ സിക്കന്ദര്‍ റാസയാണ് കളിയിലെ താരമായി മാറിയത്. സ്കോട്‍ലാന്‍ഡിനായി ജോഷ് ഡേവി 2 വിക്കറ്റ് നേടി. ഗ്രൂപ്പിലെ രണ്ടാം സ്ഥാനക്കാരായി അയര്‍ലണ്ടും യോഗ്യത നേടിയിട്ടുണ്ട്.