ഓസ്ട്രേലിയയ്ക്കെതിരെയുള്ള ടി20 പരമ്പരയില് നിന്ന് രവീന്ദ്ര ജഡേജ പുറത്ത്. ഇന്ന് മത്സരത്തിനിടെ ഇന്ത്യയുടെ വിജയം നിര്ണ്ണയിക്കുന്നതില് പ്രധാനമായ ബാറ്റിംഗ് പ്രകടനം പുറത്തെടുത്ത താരത്തിന് ഹാംസ്ട്രിംഗ് പരിക്ക് അലട്ടുകയും പിന്നീട് കണ്കഷന് ടെസ്റ്റിന് വിധേയനായി താരം പരാജയപ്പെടുകയും ചെയ്തതോടെ ഇന്ത്യ സബ് ആയി യൂസുവേന്ദ്ര ചഹാലിനെ ഇറക്കിയിരുന്നു.
ബിസിസിഐ മെഡിക്കല് ടീം ആണ് താരത്തെ കണ്കഷനില് പരാജയപ്പെട്ടുവെന്ന് വിധി എഴുതിയത്. താരത്തിന് നാളെ രാവിലെ ഇനിയും സ്കാനുകള് നടത്തുമെന്നും അതിനാല് തന്നെ പരമ്പരയിലെ ഇനിയുള്ള ടി20 മത്സരങ്ങളില് താരം കളിക്കില്ലെന്നും ബിസിസിഐ അറിയിച്ചു.
പകരം താരമായി ശര്ദ്ധുല് താക്കുറിനെ ഇന്ത്യ സ്ക്വാഡില് ഉള്പ്പെടുത്തിയിട്ടുണ്ട്.
