രാജസ്ഥാന്റെ പേസ് ബാറ്ററിയ്ക്ക് കരുത്തേകാന്‍ ഒഷെയ്ന് തോമസും എത്തുന്നു. നിലവില്‍ ജയ്ദേവ് ഉനഡ്കടും വരുണ്‍ ആരോണിനെയും സ്വന്തമാക്കിയ സംഘം വിന്‍ഡീസിന്റെ പേസ് ബൗളിംഗ് സൂപ്പര്‍ താരത്തെയും സ്വന്തമാക്കി. 50 ലക്ഷം രൂപ അടിസ്ഥാന വിലയുള്ള താരത്തെ 1 കോടി പത്ത് ലക്ഷത്തിനാണ് രാജസ്ഥാന്‍ റോയല്‍സ് സ്വന്തമാക്കിയത്.
താരത്തെ സ്വന്തമാക്കുവാനുള്ള കിംഗ്സ് ഇലവന്‍ പഞ്ചാബിന്റെ ശ്രമങ്ങളെയാണ് ലേലത്തില്‍ രാജസ്ഥാന്‍ മറികടന്നത്. പേസ് ബൗളിംഗ് കോച്ചായി സ്റ്റെഫാന്‍ ജോണ്‍സിനെ എത്തിച്ച ഫ്രാഞ്ചൈസിയുടെ കീഴിലിപ്പോള്‍ ജോഫ്ര ആര്‍ച്ചര്‍, ബെന്‍ സ്റ്റോക്സ് എന്നിവര്‍ക്കൊപ്പം ഇന്ന് നേടിയ താരങ്ങള്‍ കൂടിയാകുമ്പോള്‍ ടീം അതിശക്തമാവും.
