ശതകം ശീലമാക്കി പുജാര, സസ്സെക്സിനായി മൂന്നാം ശതകം

റോയൽ ലണ്ടന്‍ വൺ-ഡേ കപ്പിൽ തന്റെ ബാറ്റിംഗ് ഫോം തുടര്‍ന്ന് ചേതേശ്വര്‍ പുജാര. സസ്സെക്സിന് വേണ്ടി താരം ഈ ടൂര്‍ണ്ണമെന്റിലെ മൂന്നാമത്തെ ശതകം ആണ് നേടിയത്. 75 പന്തിൽ നിന്ന് ശതകം തികച്ച പുജാര ഇന്നിംഗ്സ് അവസാനിക്കുമ്പോള്‍ 90 പന്തിൽ 132 റൺസാണ് നേടിയത്. 20 ഫോറും 2 സിക്സും അടക്കമായിരുന്നു ഈ സ്കോര്‍.

പുജാരയുടെ മികവിൽ സസ്സെക്സ് 400/4 എന്ന സ്കോറാണ് നേടിയത്. സ്ഥിരം ക്യാപ്റ്റന്‍ ടോം ഹെയിന്‍സിന്റെ അഭാവത്തിൽ പുജാരയാണ് ടീമിന്റെ ക്യാപ്റ്റന്‍സി ദൗത്യവും ഏറ്റെടുക്കുന്നത്.

 

Story Highlights: Cheteshwar Pujara slams third ton for Sussex in the Royal London One Day Cup