തായ്‌ലൻഡിലെ തങ്ങളുടെ അവസാന പ്രീ സീസൺ മത്സരത്തിൽ ഗോൾ മഴ പെയ്യിച്ച് കേരള ബ്ലാസ്റ്റേഴ്‌സ്. ബുരിരാം യുണൈറ്റഡ് എഫ് സിയുടെ ബി ടീമിനെയാണ് കേരള ബ്ലാസ്റ്റേഴ്‌സ് ഏകപക്ഷീയമായ ആറു ഗോളുകൾക്ക് തോൽപ്പിച്ചത്.
കേരള ബ്ലാസ്റ്റേഴ്സിന് വേണ്ടി സിമിലെൻ ഡൗങ്ങൽ ഇരട്ട ഗോൾ നേടിയപ്പോൾ സ്ലാവിസ, ഹൃഷിദത്ത്, മലയാളി താരം സക്കീർ എം.പി, മറ്റെ പോപ്പ്ലാനിക്ക് എന്നിവരാണ് മറ്റു ഗോളുകൾ നേടിയത്. പ്രീ സീസണിൽ കേരള ബ്ലാസ്റ്റേഴ്‌സ് കളിച്ച മുഴുവൻ മത്സരങ്ങളും ജയിച്ചിരുന്നു.
ഐ.എസ്.എൽ മത്സരങ്ങൾക്കായി കേരള ബ്ലാസ്റ്റേഴ്‌സ് എനി ഇന്ത്യയിലേക്ക് തിരിക്കും. ഈ മാസം 29ന് എ.ടി.കെകെതിരെയാണ് കേരള ബ്ലാസ്റ്റേഴ്സിന്റെ ആദ്യ ഐ.എസ്.എൽ മത്സരം.
