ഐ.എസ്.എൽ തുടങ്ങുന്നതിനു മുൻപ് തന്നെ കേരള ബ്ലാസ്റ്റേഴ്സിന് മറ്റൊരു തിരിച്ചടി. ഈ കഴിഞ്ഞ പ്രീ സീസണിൽ മികച്ച ഫോമിൽ കളിച്ചുകൊണ്ടിരുന്ന പ്രശാന്തിന്‌ പരിക്ക് മൂലം ഇന്നത്തെ മത്സരം നഷ്ട്ടമാകും. താരത്തിന് എത്ര മത്സരം നഷ്ടമാവുമെന്ന് ഉറപ്പില്ലെങ്കിലും ചുരുങ്ങിയത് രണ്ട് മത്സരങ്ങൾ എങ്കിലും നഷ്ടമാവുമെന്നാണ് കരുതപ്പെടുന്നത്.
യാരിസ് ലാ ലീഗ വേൾഡ് ടൂർണൻമെന്റിൽ കേരള ബ്ലാസ്റ്റേഴ്‌സ് വലിയ ഗോളിന് തോറ്റിരുന്നെങ്കിലും ആ കളികളിൽ പ്രശാന്തിന്റെ പ്രകടനം ആരാധകരുടെ മനം കവർന്നിരുന്നു. പ്രീ സീസൺ മത്സരങ്ങൾക്കിടയിലാണ് താരത്തിന് പരിക്കേറ്റത്.
വിലക്ക് മൂലം പ്രതിരോധ താരം അനസ് എടത്തൊടികക്കും ആദ്യത്തെ മൂന്ന് മത്സരങ്ങളിൽ കളിക്കാൻ കഴിയില്ല. വിദേശ പ്രതിരോധ താരം സിറിൽ കാലിക്കും പരിക്ക് മൂലം ഇന്നത്തെ മത്സരം നഷ്ടമായേക്കും.
