എഡ്ജ്ബാസ്റ്റണിൽ 98/5 എന്ന നിലയിലേക്ക് തകര്‍ന്നടിഞ്ഞ ഇന്ത്യയുടെ തിരിച്ചുവരവ് ഒരുക്കി ഋഷഭ് പന്തും രവീന്ദ്ര ജഡേജയും. പന്ത് ശതകവും ജഡേജ അര്‍ദ്ധ ശതകവും നേടിയപ്പോള്‍ ഇന്ത്യ മത്സരത്തിൽ അതി ശക്തമായ നിലയിലേക്ക് ഉയരുകയായിരുന്നു.
59 ഓവറുകള്‍ പിന്നിടുമ്പോള്‍ ഇന്ത്യ 258/5 എന്ന നിലയിലാണ്. 160 റൺസാണ് ആറാം വിക്കറ്റ് കൂട്ടുകെട്ട് നേടിയത്. പന്ത് 107 റൺസും ജഡേജ 53 റൺസും നേടിയാണ് ക്രീസിൽ നില്‍ക്കുന്നത്. നേരത്തെ ജെയിംസ് ആന്‍ഡേഴ്സൺ മൂന്നും മാത്യു പോട്സ് രണ്ടും വിക്കറ്റ് നേടിയാണ് ഇന്ത്യയെ പ്രതിരോധത്തിലാക്കിയത്.
