ഡൽഹി ക്യാപിറ്റൽസ് താരം ഋഷഭ് പന്ത് നീണ്ട ഇടവേളയ്ക്ക് ശേഷമാണ് ക്രിക്കറ്റിലേക്ക് മടങ്ങുന്നത്. കാറപടകത്തിൽ നിന്ന് രക്ഷപ്പെട്ട താരം ഈ സീസണിൽ ഐപിഎലിലൂടെ ക്രിക്കറ്റിലേക്ക് തിരികെ എത്തുമെന്നാണ് പ്രതീക്ഷിക്കപ്പെടുന്നത്. താരത്തിന് ഈ സീസണിലെ മുഴുവന്‍ മത്സരങ്ങളിലും കളിക്കാനാകുമെന്ന ആത്മവിശ്വാസമുണ്ടെന്നാണ് ഡൽഹി പരിശീലകന്‍ റിക്കി പോണ്ടിംഗ് വ്യക്തമാക്കുന്നത്.
താരത്തിന് കളിക്കാനാകുമെന്ന് അദ്ദേഹത്തിന് ആത്മവിശ്വാസമുണ്ടെന്നും എന്നാൽ ഏത് റോളിലെന്നതിൽ വ്യക്തത വരുത്തേണ്ടതുണ്ടെന്ന് പോണ്ടിംഗ് സൂചിപ്പിച്ചു. താരത്തിന് ഈ സീസണിൽ വിക്കറ്റ് കീപ്പിംഗ് ദൗത്യവുമായി മുന്നോട്ട് പോകുവാനാകില്ലെന്നാണ് കരുതുന്നതെന്ന് റിക്കി പോണ്ടിംഗ് വ്യക്തമാക്കിയത്.
തന്നോട് താരം പറഞ്ഞത് എല്ലാ മത്സരങ്ങളും താന്‍ കളിക്കുമെന്നും നാലാം നമ്പറിൽ ബാറ്റ് ചെയ്യുമെന്നാണെന്നും പോണ്ടിംഗ് കൂട്ടിചേര്‍ത്തു.
