മലയാളികളുടെ അഭിമാന താരമായ ടി പി രഹ്നേഷിന്റെ കരാർ പുതുക്കാൻ നോർത്ത് ഈസ്റ്റ് യുണൈറ്റഡ് തീരുമാനിച്ചു. ഐ എസ് എൽ തുടക്കം മുതൽ നോർത്ത് ഈസ്റ്റ് യുണൈറ്റഡിന്റെ കൂടെയുണ്ട് രഹ്നേഷ്. നോർത്ത് ഈസ്റ്റിനായി 44 മത്സരങ്ങളിൽ രഹ്നേഷ് ഗ്ലോവ് അണിഞ്ഞിട്ടുള്ള രഹ്നേഷ് ഒരു വർഷത്തേക്കാണ് രഹ്നേഷിന്റെ കരാർ പുതുക്കിയിരിക്കുന്നത്‌.
ലോണടിസ്ഥാനത്തിൽ മുമ്പ് ഐ ലീഗിൽ ഈസ്റ്റ് ബംഗാൾ ടീമിലും രഹ്നേഷ് കളിച്ചിട്ടുണ്ട്‌. സായിയിലും ഗോൾഡൻ ത്രെഡ്സിലും വിവാ കേരളയിലും കളിച്ചാണ് രഹ്നേഷ് കരിയർ തുടങ്ങിയത്. ഷിലോംഗ് ലജോങ്ങിനു വേണ്ടിയും രഹ്നേഷ് വല കാത്തിട്ടുണ്ട്.
രഹ്നേഷിനെ കൂടാതെ മൂന്ന് താരങ്ങളുടെ കരാർ കൂടെ നോർത്ത് ഈസ്റ്റ് യുണൈറ്റഡ് പുതുക്കി. റീഗൻ സിംഗ്, ലാൽറമ്പുയിയ ഫനായ്, റൌളിംഗ് ബോർജസ് എന്നിവരാണ് നോർത്ത് ഈസ്റ്റിൽ തുടരാൻ തീരുമാനിച്ചവർ.
കൂടുതൽ കായിക വാർത്തകൾക്ക് : www.facebook.com/FanportOfficial
