ബാഴ്‌സലോണക്കെതിരായ ചാമ്പ്യൻസ് ലീഗ് മത്സരത്തിന്റെ രണ്ടാം പാദത്തിൽ സൂപ്പർ താരം നെയ്മർ കളിക്കില്ലെന്ന് വ്യക്തമാക്കി പി.എസ്.ജി. കഴിഞ്ഞ ദിവസം നെയ്മർ പരിക്ക് മാറി പരിശീലനം നടത്തിയെങ്കിലും ബാഴ്‌സലോണക്കെതിരെ താരം ഉണ്ടാവില്ലെന്ന് പി.എസ്.ജി വ്യക്തമാക്കി. ഇതോടെ തന്റെ പഴയ ക്ലബായ ബാഴ്‌സലോണക്കെതിരെ കളിക്കാനുള്ള അവസരം നെയ്മറിന് നഷ്ട്ടമാകും.
നേരത്തെ ബാഴ്‌സലോണക്കെതിരായ ഒന്നാം പാദത്തിലും പി.എസ്.ജി നിരയിൽ പരിക്ക് മൂലം നെയ്മർ ഇറങ്ങിയിരുന്നില്ല. ആദ്യ പാദത്തിൽ 4-1ന്റെ ജയം സ്വന്തമാക്കിയ പി.എസ്.ജിക്ക് തന്നെയാണ് സ്വന്തം ഗ്രൗണ്ടിൽ രണ്ടാക്കുന്ന രണ്ടാം പാദത്തിൽ മുൻ‌തൂക്കം. ഫെബ്രുവരി 10ന് ഫ്രഞ്ച് കപ്പ് മത്സരത്തിൽ കാനിനെതിരെ മത്സരിക്കുന്നതിനിടെയാണ് നെയ്മറിന് പരിക്കേറ്റത്. പരിക്ക് മൂലം പി.എസ്.ജിയുടെ അവസാന 6 മത്സരങ്ങൾ നെയ്മറിന് നഷ്ടമായിരുന്നു.
