പ്രീമിയർ ലീഗിൽ ന്യൂകാസിൽ മുന്നേറ്റം തുടരുന്നു. ഒന്നിനെതിരെ നാല് ഗോളുകൾക്ക് സതാംപ്ടനെയാണ് കീഴടക്കിയത്. മാഗ്പീസിന്റെ തുടർച്ചയായ നാലാം ജയവും അവസാനത്തെ ഏഴു മത്സരങ്ങളിൽ ആറാം ജയവും ആണിത്. ഇതോടെ പോയിന്റ് പട്ടികയിൽ തൽക്കാലകമായെങ്കിലും മൂന്നാം സ്ഥാനത്തേക്ക് ഉയരാനും അവർക്കായി. സതാംപ്ടൻ പതിനെട്ടാം സ്ഥാനത്താണ്.
സ്വന്തം തട്ടകത്തിൽ സതാംപ്ടനാണ് തുടക്കത്തിൽ മേൽകൈ നേടിയത്. എന്നാൽ ആദ്യ അരമണിക്കൂർ ഗോൾ രഹിതമായ മത്സരത്തിൽ ന്യൂകാസിൽ മുപ്പത്തിയഞ്ചാം മിനിറ്റിൽ ലീഡ് എടുത്തു. മുപ്പത്തിയഞ്ചാം മിനിറ്റിൽ ആണ് ഗോൾ എത്തിയത്. ഒന്നാം പകുതിയിൽ കൂടുതൽ ഗോളുകൾ വന്നില്ല. രണ്ടാം പകുതിയിൽ പകരക്കാരനായി എത്തിയ ക്രിസ് വുഡ് ആണ് ഗോളടിക്ക് തുടക്കമിട്ടത്. മുർഫിയുടെ അസിസ്റ്റ് സ്വീകരിച്ച താരം ബോക്‌സിൽ നിന്നും അനായാസം പന്ത് വലയിൽ എത്തിച്ചു. ഇതോടെ മത്സരം എന്താണ്ട് പൂർണമായും ന്യൂകാസിലിന്റെ വറുതിയിൽ ആയി.
അറുപത്തിരണ്ടാം മിനിറ്റിൽ വില്ലിക്കിൽ നിന്ന് മൂന്നാം ഗോളും എത്തി. തിരിച്ചടിക്കാൻ സമ്മർദ്ദം ചെലുത്തിയ ആതിഥേയർക്ക് എൺപതിയൊൻപതാം മിനിറ്റിൽ തങ്ങളുടെ ഏക ഗോൾ നേടാൻ ആയി. പെറൗഡ് ആയിരുന്നു സ്‌കോറർ. രണ്ടു മിനിറ്റുകൾക്ക് ശേഷം ബ്രൂണോയുടെ ഗോളിലൂടെ ന്യൂകാസിൽ വീണ്ടും മൂന്ന് ഗോൾ ലീഡ് തിരിച്ചു പിടിച്ചതോടെ മത്സരത്തിന് പരിസമാപ്തിയായി.
