വനിത ആഷസിലെ അവസാന ഏകദിനത്തിൽ ഇംഗ്ലണ്ടിന് 285 റൺസ്. ഇന്ന് ടോസ് നേടിയ ഓസ്ട്രേലിയ ഇംഗ്ലണ്ടിനോട് ബാറ്റ് ചെയ്യുവാന് ആവശ്യപ്പെടുകയായിരുന്നു. 129 റൺസ് നേടിയ നാറ്റ് സ്കിവര് ബ്രണ്ടും 67 റൺസ് നേടിയ ഹീത്തര് നൈറ്റിനുമൊപ്പം 43റൺസുമായി ഡാനിയേൽ വയട്ടും ഇംഗ്ലണ്ടിനായി നിര്ണ്ണായക സംഭാവന നൽകി.
ഓപ്പണര്മാരെ വേഗത്തിൽ നഷ്ടമായ ശേഷം 147 റൺസ് കൂട്ടുകെട്ടുമായി ഹീത്തര് നൈറ്റ് – നാറ്റ് സ്കിവര് ബ്രണ്ട് കൂട്ടുകെട്ടാണ് ഇംഗ്ലണ്ടിനെ മുന്നോട്ട് നയിച്ചത്. നൈറ്റിനെ അലാന കിംഗ് പുറത്താക്കിയാണ് ഈ കൂട്ടുകെട്ട് തകര്ത്തത്.
ഓസ്ട്രേലിയയ്ക്കായി ആഷ്ലൈ ഗാര്ഡ്നറും ജെസ്സ് ജോന്നാസെന്നും മൂന്ന് വീതം വിക്കറ്റ് നേടി.
