ഇറ്റാലിയൻ സീരി എയിൽ കിരീടം ഉറപ്പിച്ച ശേഷമുള്ള ആദ്യ മത്സരത്തിൽ മോൻസയോട് പരാജയം ഏറ്റുവാങ്ങി നാപോളി. നിരവധി മാറ്റങ്ങളും ആയി ഇറങ്ങിയ നാപോളി ഒമ്പതാം സ്ഥാനക്കാർക്ക് എതിരെ അവരുടെ മൈതാനത്ത് എതിരില്ലാത്ത രണ്ടു ഗോളുകൾക്ക് ആണ് തോൽവി വഴങ്ങിയത്. നാപോളിക്ക് എതിരെ മികച്ച പ്രകടനം ആണ് മോൻസ പുറത്ത് എടുത്തത്.
മത്സരത്തിൽ 18 മത്തെ മറ്റെയോ പെസിനോയുടെ പാസിൽ നിന്നു മികച്ച ഗോളിലൂടെ ഡാനി മോട്ട ആണ് നാപോളിയെ ഞെട്ടിച്ചത്. രണ്ടാം പകുതിയിൽ 54 മത്തെ മിനിറ്റിൽ ആന്ദ്രയ പെറ്റാഗ്ന കൂടി ഗോൾ നേടിയതോടെ മോൻസ ജയം ഉറപ്പിച്ചു. സീരി എയിൽ എത്തിയ ആദ്യ സീസണിൽ തന്നെ ലീഗിൽ നിലനിൽക്കാൻ സാധിച്ച മോൻസ നിലവിൽ ഒമ്പതാം സ്ഥാനത്ത് ആണ്. അതേസമയം ഈ പരാജയം ഒന്നും നാപോളിയുടെ ആഘോഷങ്ങൾക്ക് ഒരു അന്ത്യവും ഉണ്ടാക്കില്ല എന്നത് ആണ് വാസ്തവം.