വിംബിള്‍ഡണ്‍ 2018ന്റെ പടികള്‍ റോജര്‍ ഫെഡറര്‍ പടിയിറങ്ങിയെങ്കിലും ഡെല്‍ പോട്രോയുടെ സമ്മര്‍ദ്ദത്തെ അതിജീവിച്ച് നദാല്‍ സെമിയിലേക്ക്. 33 എയ്സുകള്‍ പായിച്ച അര്‍ജന്റീന താരത്തിനെതിരെ അഞ്ച് സെറ്റ് പോരാട്ടത്തിനൊടുവിലാണ് രണ്ടാം സീഡ് നദാലിന്റെ വിജയം. ആദ്യ സെറ്റ് നദാല്‍ വിജയിച്ചപ്പോള്‍ പിന്നീടുള്ള രണ്ട് സെറ്റുകളും നേടി നദാലിനെ ജുവാന്‍ മാര്‍ട്ടിന്‍ ഡെല്‍ പോട്രോ സമ്മര്‍ദ്ദത്തിലാക്കുകയായിരുന്നു.
4 മണിക്കൂര്‍ 47 മിനുട്ട് നീണ്ട പോരാട്ടത്തിനൊടുവില്‍ 7-5, 6-7, 4-6, 6-4, 6-4 എന്ന സ്കോറിനായിരുന്നു അഞ്ചാം സീഡ് ഡെല്‍ പോട്രോയ്ക്കെതിരെ വിജയം റാഫേല്‍ നദാല്‍ സ്വന്തമാക്കിയത്. സെമിയില്‍ ജോക്കാവിച്ച് ആണ് നദാലിന്റെ എതിരാളി.
കൂടുതൽ കായിക വാർത്തകൾക്ക് : www.facebook.com/FanportOfficial
