കേരളത്തിന്റെ അഭിമാനം മിന്നു മണി!! ഇന്ത്യ എ ടീം ക്യാപ്റ്റൻ!!

ഒരിക്കൽ കൂടെ മലയാളികളുടെ അഭിമാനമായി മിന്നു മണി. ഇംഗ്ലണ്ടിനെതിരായ മൂന്ന് മത്സരങ്ങളുടെ ടി20 ഐ പരമ്പരയ്ക്കുള്ള ഇന്ത്യ ‘എ’ വനിതാ ടീമിന്റെ ക്യാപ്റ്റനായി കേരള ക്രിക്കറ്റ് താരം സി മിന്നു മണിയെ നിയമിച്ചു. പരമ്പര നവംബർ 29ന് മുംബൈയിൽ ആരംഭിക്കും.

24 കാരനായ ഓഫ് സ്പിന്നർ, ഇന്ത്യ ‘എ’ വനിതാ ടീമിന്റെ ക്യാപ്റ്റനാകുന്ന കേരളത്തിൽ നിന്നുള്ള ആദ്യ ക്രിക്കറ്റ് താരമാണ്.

2023 ജൂലൈ 9-ന് ബംഗ്ലാദേശിനെതിരെ നടന്ന മത്സരത്തിൽ മിന്നു മണി ഇന്ത്യയ്‌ക്കായി വനിതാ ടി20 ഐ ക്രിക്കറ്റിൽ അരങ്ങേറ്റം കുറിച്ചിരുന്നു. മൂന്ന് മത്സരങ്ങളിൽ നിന്ന് അഞ്ച് വിക്കറ്റ് നേടിയ മിന്നു പരമ്പരയിലെ ഇന്ത്യയുടെ ടോപ് വിക്കറ്റ് ടേക്കറും ആയിരുന്നു.

2023ലെ ഹാങ്‌ഷൗ ഏഷ്യൻ ഗെയിംസിൽ ഇന്ത്യക്കായി സ്വർണം നേടിയ വനിതാ ടീമിന്റെ ഭാഗമായിരുന്നു മിന്നു. 24കാരിയായ മിന്നു മണി വയനാട് മാനന്തവാടി സ്വദേശിയാണ്.

ഇന്ത്യ ‘എ’ വനിതാ ടീം നവംബർ 29, ഡിസംബർ 1, 3 തീയതികളിൽ ഇംഗ്ലണ്ട് ‘എ’ വനിതകളുമായി മൂന്ന് മത്സരങ്ങൾ കളിക്കും. എല്ലാ മത്സരങ്ങളും മുംബൈയിലെ വാങ്കഡെ സ്റ്റേഡിയത്തിൽ നടക്കും.

India ‘A’ Women’s squad
C Minnu Mani (captain), Kanika Ahuja, Uma Chetry, Shreyanka Patil, G Trisha, Vrinda Dinesh, G Divya, Arushi Goel, Disha Kasat, Rashi Kanojiya, Mannat Kashyap, Anusha Bareddy, Monica Patel, G Kashavee, Jintimani Kalita, Prakashika Naik.