“ഒളിമ്പിക്സ് കളിക്കാൻ മെസ്സി അർജന്റീനക്ക് ഒപ്പം വരുമെന്നാണ് പ്രതീക്ഷ” – തിയാഗോ അൽമാഡ

ഒളിമ്പിക് ഗെയിംസിന് യോഗ്യത നേടിയ അർജന്റീനയെ നയിച്ച ക്യാപ്റ്റൻ തിയാഗോ ലമാഡ ഒളിമ്പിക്സിന് ലയണൽ മെസ്സിയും വരുമെന്ന് പ്രതീക്ഷ പ്രകടിപ്പിച്ചു‌. പാരീസിൽ മെസ്സി ഉണ്ടാകും എന്ന് താൻ പ്രതീക്ഷ വെക്കുന്നതായി തിയാഗോ അൽമാഡ പറഞ്ഞു.

ബ്രസീലിനെതിരെ 1-0ന് ജയിച്ചാണ് അർജൻ്റീന ഒളിമ്പിക്‌സ് യോഗ്യത നേടിയത്‌. “ഈ ഗ്രൂപ്പിനെയും കോച്ചിംഗ് സ്റ്റാഫിനെയും ഓർത്ത് ഞാൻ വളരെ സന്തോഷവാനാണ്, അവർ അത് അർഹിക്കുന്നു. ടൂർണമെൻ്റിലുടനീളം ഞങ്ങൾ മികച്ചതാണെന്ന് ഞങ്ങൾ കാണിച്ചു.” അൽമാഡ പറഞ്ഞു

“ഒളിമ്പിക് ഗെയിമുകൾക്കായി പരിശീലിക്കാനുൻ മെച്ചപ്പെടുത്തുന്നത് തുടരാനും ഞങ്ങൾക്ക് സമയമുണ്ട്. മെസ്സിക്ക് ഒളിമ്പിക്സ് കളിക്കാൻ ആഗ്രഹമുണ്ടെന്നും ഒളിമ്പിക്‌സിൽ അദ്ദേഹം പങ്കെടുക്കുമെന്നും ഞാൻ പ്രതീക്ഷിക്കുന്നു, അങ്ങനെ നടന്നാൽ അതൊരു സ്വപ്നമായിരിക്കും. മെസ്സി വന്നാൽ, ഞാൻ അദ്ദേഹത്തിന് എന്റെ ക്യാപ്റ്റൻ്റെ ആംബാൻഡ് നൽകും. വരുമോ അല്ലയോ എന്ന് തീരുമാനിക്കേണ്ടത് അദ്ദേഹമാണ്.” തിയാഗോ അൽമാഡ് പറഞ്ഞു.