യുവേഫ നാഷൺസ് ലീഗിൽ ഗ്രൂപ്പ് എയിൽ ഓസ്ട്രിയക്ക് എതിരെ ഫ്രാൻസിന് ജയം. ഇന്ന് ഫ്രാൻസിൽ നടന്ന മത്സരം എതിരില്ലാത്ത രണ്ടു ഗോളുകൾക്കാണ് ഫ്രാൻസ് വിജയിച്ചത്. രണ്ട് ഗോളുകളും ഫ്രാൻസ് രണ്ടാം പകുതിയിലാണ് നേടിയത്. 56ആം മിനുട്ടിൽ കിലിയൻ എംബപ്പെയുടെ വക ആയിരുന്നു ആദ്യ ഗോൾ. എമ്പപ്പെ പന്ത് സ്വീകരിച്ച ശേഷം തന്റെ പവറും സ്കില്ലും ഉപയോഗിച്ച് ഓസ്ട്രിയ ഡിഫൻസിനെ ആകെ മറികടന്ന് പവർഫുൾ ഷോട്ടിലൂടെ വലയിൽ പന്ത് എത്തിക്കുകയായിരുന്നു.
എമ്പപ്പെയുടെ ഫ്രാൻസിനായുള്ള 28ആമത്തെ ഗോളാണ് ഇത്. ഇതിനു ശേഷം 65ആം മിനുട്ടിൽ ഗ്രീസ്മന്റെ ഒരു ക്രോസിൽ നിന്ന് ഒരു നല്ല ഹെഡറിലൂടെ ജിറൂദ് ലീഡ് ഇരട്ടിയാക്കി. ഫ്രാൻസിനായി ഏറ്റവും കൂടുതൽ ഗോളുകൾ നേടിയ ഹെൻറിയുടെ റെക്കോർഡിന് ഒപ്പം എത്താൻ ഇനി രണ്ട് ഗോളുകൾ കൂടുയെ ജിറൂദിന് വേണ്ടു.
അഞ്ച് മത്സരങ്ങളിൽ നിന്ന് അഞ്ച് പോയിന്റുമായി ഫ്രാൻസ് ഗ്രൂപ്പിൽ മൂന്നാമത് ആണ്. ഓസ്ട്രിയ അവസാന സ്ഥാനത്തും.
