ബിഗ് ബാഷിലെ നോക്ക്ഔട്ട് മത്സരങ്ങളിലെ അവസാന മത്സരത്തിൽ ആളിക്കത്തി ഗ്ലെന് മാക്സ്വെൽ. ഇന്ന് മെൽബേൺ സ്റ്റാര്സിന് വേണ്ടി 64 പന്തിൽ 154 റൺസ് നേടിയ മാക്സ്വെല്ലിന്റെ തട്ടുപൊളിപ്പന് ബാറ്റിംഗിന് മുന്നിൽ ഹോബാര്ട്ട് ഹറികെയിന്സ് ബൗളര്മാര് ഓടിയൊളിക്കുന്ന കാഴ്ചയാണ് കണ്ടത്.
2 വിക്കറ്റ് നഷ്ടത്തിൽ 273 റൺസാണ് മെൽബേൺ സ്റ്റാര്സ് നേടിയത്. മാക്സ്വെല്ലിന് പിന്തുണയുമായി 31 പന്തിൽ 75 റൺസ് നേടി മാര്ക്കസ് സ്റ്റോയിനിസും അടിച്ച് തകര്ക്കുകയായിരുന്നു. മാക്സ്വെൽ സ്റ്റോയിനിസ് കൂട്ടുകെട്ട് 54 പന്തിൽ 132 റൺസാണ് നേടിയത്.
