മാഞ്ചസ്റ്റർ യുണൈറ്റഡിന്റെ പ്രീമിയർ ലീഗിൽ ആദ്യ നാലിൽ എത്താമെന്ന പ്രതീക്ഷ വീണ്ടും സജീവമാകുന്നു. ഇന്ന് പ്രീമിയർ ലീഗിൽ നടന്ന മത്സരത്തിൽ ബേർൺലിയെ മാഞ്ചസ്റ്റർ യുണൈറ്റഡ് പരാജയപ്പെടുത്തി. എവേ ഗ്രൗണ്ടിൽ എതിരില്ലാത്ത രണ്ടു ഗോളുകൾക്കായിരുന്നു മാഞ്ചസ്റ്റർ യുണൈറ്റഡിന്റെ വിജയം. നീണ്ട കാലത്തിനു ശേഷം പ്രീമിയർ ലീഗിൽ മാഞ്ചസ്റ്റർ യുണൈറ്റഡ് ഒരു ക്ലീൻ ഷീറ്റ് സ്വന്തമാക്കുന്നതും ഇന്ന് കാണാൻ ആയി.
മാർഷ്യലും റാഷ്ഫോർഡുമാണ് മാഞ്ചസ്റ്റർ യുണൈറ്റഡിനായി ഇന്ന് ഗോളുകൾ നേടിയത്. ആദ്യ പകുതിയിൽ പെരേരയുടെ പാസിൽ നിന്നായിരുന്നു മാർഷ്യലിന്റെ ഗോൾ. മാർഷ്യലിന്റെ സീസണിലെ പത്താം ഗോളാണിത്. കളിയുടെ അവസാന മിനുട്ടിൽ ആയിരുന്നു റാഷ്ഫോർഡിന്റെ ഗോൾ. ആ ഗോളിന് അവസരം ഒരുക്കിയത് യുവ താരം ഡാനിയൽ ജെയിംസ് ആണ്.
ഈ വിജയത്തോടെ മാഞ്ചസ്റ്റർ യുണൈറ്റഡിന് 31 പോയന്റായി. ഇപ്പോൾ അഞ്ചാം സ്ഥാനത്താണ് മാഞ്ചസ്റ്റർ യുണൈറ്റഡ്.
