കേരള ബ്ലാസ്റ്റേഴ്സ് സെന്റർ ബാക്ക് ലെസ്കോവിച് തിരികെ കളത്തിൽ എത്തുന്നത് വൈകും.നാളെ കേരള ബ്ലാസ്റ്റേഴ്സ് ഈസ്റ്റ് ബംഗാളിനെതിരെ ഇറങ്ങുമ്പോഴും ലെസ്കോവിച് കളത്തിൽ ഉണ്ടാകില്ല. ഈസ്റ്റ് ബംഗാളിനെ നേരിടാൻ ആയി കൊൽക്കത്തയിൽ എത്തിയ കേരള ബ്ലാസ്റ്റേഴ്സ് സ്ക്വാഡിനൊപ്പം ലെസ്കോവിച് ഇല്ല എന്ന് പ്രമുഖ മാധ്യമ പ്രവർത്തകൻ മാർക്കസ് റിപ്പോർട്ട് ചെയ്യുന്നു. അതുകൊണ്ട് തന്നെ നാളെയും വിക്ടർ മോംഗിൽ ഹോർമിപാം കൂട്ടുകെട്ട് ആകും ഡിഫൻസിൽ കാണാൻ ആവുക.
പരിക്ക് മാറി ലെസ്കോവിക്ഷ്ഹ് ടീമിനൊപ്പം പരിശീലനം ആരംഭിച്ചിരുന്നു എങ്കിലും താരത്തിന്റെ ഫിറ്റ്നസ് പ്രശ്നങ്ങൾ ഇപ്പോഴും മാറിയിട്ടില്ല. ലെസ്കോവിചിന് പരിക്ക് കാരണം മുംബൈ സിറ്റിക്ക് എതിരായ മത്സരവും ഗോവയ്ക്ക് എതിരായ മത്സരവും നോർത്ത് ഈസ്റ്റിനെതിരായ മത്സരവും നഷ്ടമായിരുന്നു. ആദ്യ രണ്ട് മത്സരത്തിൽ നിന്നായി കേരള ബ്ലാസ്റ്റേഴ്സ് ഏഴു ഗോളുകൾ വഴങ്ങിയിരുന്നു എങ്കിലും നോർത്ത് ഈസ്റ്റിനെതിരെ ബ്ലാസ്റ്റേഴ്സ് ഡിഫൻസ് ഭേദമായിരുന്നു.
