സീരി എയിൽ ആദ്യ മത്സരം ജയിച്ചു തുടങ്ങി ഇന്റർ മിലാൻ. മോൻസയെ എതിരില്ലാത്ത രണ്ടു ഗോളുകൾക്ക് ആണ് ഇന്റർ മറികടന്നത്. മുന്നിൽ നിന്നു നയിച്ച ക്യാപ്റ്റൻ ലൗടാരോ മാർട്ടിനസ് ആണ് അവരുടെ ഇരു ഗോളുകളും നേടിയത്. 22 ഷോട്ടുകൾ ഇന്റർ ഉതിർത്ത മത്സരത്തിൽ പക്ഷെ ഗോളിന് മുന്നിൽ അത്ര മികച്ച പ്രകടനം അല്ല അവർ നടത്തിയത്.
മത്സരത്തിൽ എട്ടാം മിനിറ്റിൽ തന്നെ ഡംഫ്രയിസിന്റെ പാസിൽ നിന്നു ലൗടാരോ മാർട്ടിനസ് ഇന്ററിനെ മുന്നിൽ എത്തിച്ചു. തുടർന്ന് അവസരങ്ങൾ ഉണ്ടാക്കിയെങ്കിലും ഗോൾ നേടാൻ ഇന്ററിന് ആയില്ല. രണ്ടാം പകുതിയിൽ 76 മത്തെ മിനിറ്റിൽ ഈ സീസണിൽ ടീമിൽ എത്തിയ പകരക്കാരനായി ഇറങ്ങിയ അർണോടാവിചിന്റെ പാസിൽ നിന്നു ഗോൾ നേടിയ മാർട്ടിനസ് ഇന്റർ ജയം പൂർത്തിയാക്കി. ലീഗിൽ മികച്ച തുടക്കം തന്നെയായി ഇന്ററിന് ഇത്.