കേരള ബ്ലാസ്റ്റേഴ്സിന്റെ പ്രകടനങ്ങളെ പുകഴ്ത്തി കൊണ്ട് ചെന്നൈയിന്റെ പരിശീലകനായ ബോൻഡോവിച്. ഇന്നത്തെ വിജയം കേരള ബ്ലാസ്റ്റേഴ്സ് പൂർണ്ണമായു അർഹിക്കുന്നുണ്ട് എന്ന് അദ്ദേഹം പറഞ്ഞു. കേരളത്തിന്റെ ടാക്ടിക്സ് അത്ര മനോഹരമായിരുന്നു. അവരുടെ ഹൈ പ്രസിംഗിന് മുന്നിൽ തന്റെ ടീം പ്രയാസപ്പെട്ടു എന്ന് ബോൻഡോവിച് പറഞ്ഞു. പലപ്പോഴും പന്ത് പാസ് ചെയ്യാനും പന്തുമായി നീങ്ങാനും തന്റെ താരങ്ങൾ ഭയക്കുക ആയിരുന്നു എന്നും ഇവാൻ പറഞ്ഞു.
തീർച്ചയായും ഇന്നത്തേത് ചെന്നൈയിന് ഒരു മോശം ദിവസമായിരുന്നു. നന്നായി അറ്റാക്ക് ചെയ്യാനോ ഡിഫൻഡ് ചെയ്യാനോ ഒന്നും ഞങ്ങൾക്ക് പറ്റിയില്ല. അദ്ദേഹം പറഞ്ഞു. കേരളത്തിന്റെ സമ്മർദ്ദത്തിൽ ഭയന്നാണ് ചെന്നൈയിൻ രണ്ടാം ഗോൾ വഴങ്ങിയത് എന്നും അദ്ദേഹം പറഞ്ഞു. മുൻ മത്സരങ്ങൾ നോക്കിയാൽ ഇന്നത്തേത് തന്റെ ടീമിന്റെ മോശം പ്രകടനമാണെന്നും അദ്ദേഹം പറഞ്ഞു. എല്ലാ മേഖലയിലും ചെന്നൈയിനെ പിറകിലാക്കിയ കേരളത്തെ അഭിനന്ദിക്കുന്നു എന്നും ബോൻഡോവിച് പറഞ്ഞു.
