ആരാധകരെ വീണ്ടും ഞെട്ടിച്ച് കൊണ്ട് കേരള ബ്ലാസ്റ്റേഴ്സ്. കേരള ബ്ലാസ്റ്റേഴ്സ് രണ്ടാം വിദേശ സൈനിംഗ് പൂർത്തിയാക്കി. ബോസ്നിയൻ പ്രതിരോധ താരം ഇനസ് സിപോവികാണ് കൊച്ചിയിൽ എത്തുന്നത്. ആറരയടിക്കാരനായ സിപോവിക് ആയിരിക്കും ഈ സീസണിൽ കേരള ബ്ലാസ്റ്റേഴ്സിന്റെ പ്രതിരോധ നിരയെ നയിക്കുക. ഇന്ത്യൻ സൂപ്പർ ലീഗിൽ ചെന്നൈയിൻ എഫ്സിയുടെ താരമായിരുന്നു സിപോവിക്. കഴിഞ്ഞ സീസണിൽ 18 മത്സരങ്ങളിൽ ചെന്നൈയിൻ എഫ്സിക്ക് വേണ്ടി ഇന്ത്യൻ സൂപ്പർ ലീഗിൽ സിപോവിക് കളിച്ചു.
Midnight on T̶h̶u̶r̶s̶d̶a̶y̶ ANY DAY.
We just changed the game. 💥#SwagathamEnes #YennumYellow pic.twitter.com/j2caHGLudk
— Kerala Blasters FC (@KeralaBlasters) July 30, 2021
കേരള ബ്ലാസ്റ്റേഴ്സിന് വേണ്ടി കളിക്കുന്ന ആദ്യ ബോസ്നിയൻ താരം കൂടിയാവും സിപോവിക്. ഉറൂഗ്വൻ മിഡ്ഫീൽഡർ അഡ്രിയാൻ ലൂണക്ക് പിന്നാലെയാണ് സിപോവിക് കേരള ബ്ലാസ്റ്റേഴ്സിൽ എത്തുന്നത്. ഒരു വർഷത്തെ കരാറിലാണ് ഇനസ് സിപോവിക് കേരള ബ്ലാസ്റ്റേഴ്സിൽ എത്തുന്നത്.
