കേരള ബ്ലാസ്റ്റേഴ്സിന്റെ മുൻ താരം പ്രശാന്ത് മോഹൻ ചെന്നൈയിനിൽ തിളങ്ങുന്നതിൽ സന്തോഷം ഉണ്ട് എന്ന് കേരള ബ്ലാസ്റ്റേഴ്സ് പരിശീലകൻ ഇവാൻ വുകമാനോവിച്. ചെന്നൈയിനെ നേരിടുന്നതിന് മുന്നോടിയായി സംസാരിക്കുക ആയിരുന്നു ഇവാൻ. പ്രശാന്തിന് കളിക്കാൻ കൂടുതൽ സമയം ലഭിക്കേണ്ടതുണ്ടായിരുന്നു എന്നും അതാണ് താരം ക്ലബ് വിട്ടത് എന്നും ഇവാൻ പറഞ്ഞു. ഏതൊരു താരത്തിനും കുറച്ച് കാലം കഴിയുമ്പോൾ ഒരു പുതിയ ഊർജ്ജം ആവശ്യം വരും. ഇവാൻ പറഞ്ഞു.
പ്രശാന്തിന് ഇത് മികച്ച നീക്കം ആണെന്നും അദ്ദേഹം ഹൈ ലെവലിൽ കളിക്കുന്നത് കാണാൻ ആകുന്നതിൽ സന്തോഷം ഉണ്ടെന്നും ഇവാൻ പറഞ്ഞു. നീണ്ടകാലമായി കേരളത്തിന് ഒപ്പം ഉണ്ടായിരുന്ന പ്രശാന്ത് ഈ കഴിഞ്ഞ സമ്മറിൽ ആയിരുന്നു ചെന്നൈയിനിലേക്ക് മാറിയത്. പ്രശാന്ത് ഒരു മികച്ച വ്യക്തിയും മികച്ച താരവും ആണെന്നും തനിക്ക് ഇഷ്ടമുള്ള താരമാണ് പ്രശാന്ത് എന്നും കോച്ച് പറഞ്ഞു.
