പ്രീ സീസൺ മത്സരങ്ങൾക്കായി ക്ലബ് ഫുട്ബോൾ ലോകം ഒരുങ്ങുമ്പോൾ എല്ലാവരും ആകാംക്ഷയോടെ കാത്തിരിക്കാൻ പോകുന്ന മത്സരമായി യുവന്റസ് റയൽ മാഡ്രിഡ് മത്സരം മാറിയേക്കും. റൊണാൾഡോയുടെ ക്ലബ് മാറ്റമാണ് ഈ മത്സരത്തിന് നിറം നൽകുന്നത്. യുവന്റസിന്റെ ഇതുവരെ ഉറപ്പായ 4 പ്രീ സീസൺ മത്സരങ്ങൾ അവസാനത്തെ മത്സരമാണ് റയൽ മാഡ്രിഡിന് എതിരെ ഉള്ളത്. ഓഗസ്റ്റ് നാലിനാണ് അമേരിക്കയിൽ വെച്ച റയൽ മാഡ്രിഡും യുവന്റസും ഏറ്റുമുട്ടുക.
ആ മത്സരം റൊണാൾഡോയുടെ യുവന്റസിൻലെ അരങ്ങേറ്റമാകുമോ എന്നാണ് ആരാധകർ ഉറ്റുനോക്കുന്നത്. ഇന്ന് ക്രിസ്റ്റ്യാനോ റൊണാൾഡോയെ യുവന്റസ് തങ്ങളുടെ ആരാധകർക്ക് മുന്നിൽ അവതരിപ്പിക്കും എങ്കിലും റൊണാൾഡോ തിരിച്ച് വിശ്രമത്തിനായി പോകും. പ്രീ സീസണിലെ ആദ്യ മൂന്ന് മത്സരങ്ങളിലും റൊണാൾഡോ കളിക്കില്ല എന്ന് ഉറപ്പാണ്‌.
റയലിനെതിരെ കളിക്കുമോ ഇല്ലയോ എന്ന് ഇതുവരെ വ്യക്തമല്ല. റൊണാൾഡോ കളിക്കുകയാണെങ്കിൽ അത് മറ്റേത് പ്രീസീസൺ മത്സരങ്ങളെയും വെല്ലുന്ന മത്സരമായി മാറിയേക്കും.
യുവന്റസിന്റെ പ്രീസീസൺ മത്സരങ്ങൾ:
ജൂലൈ 25 , യുവന്റസ് vs ബയേൺ
ജൂലൈ 28, യുവന്റസ് vs ബെൻഫിക
ഓഗസ്റ്റ് 1, യുവന്റസ് vs MLS ആൾ സ്റ്റാർസ്.
ഓഗസ്റ്റ് 4, യുവന്റസ് vs റയൽ മാഡ്രിഡ്
കൂടുതൽ കായിക വാർത്തകൾക്ക് : www.facebook.com/FanportOfficial
