ജാക്ക് വിൽഷെയർ നോർവിച് സിറ്റി പരിശീലകൻ ആവും

മുൻ ആഴ്‌സണൽ താരം ജാക്ക് വിൽഷെയർ ഇംഗ്ലീഷ് രണ്ടാം ഡിവിഷൻ ടീം ആയ നോർവിച് സിറ്റി പരിശീലകൻ ആവും. നിലവിൽ ആഴ്‌സണൽ അണ്ടർ 18 ടീം പരിശീലകൻ ആയ 32 കാരനായ താരം നാളത്തെ മത്സരം കഴിഞ്ഞ ശേഷം ആഴ്‌സണലിനോട് വിട പറയും. മുൻ പരിശീലകനെ പുറത്താക്കിയ ശേഷമാണ് നോർവിച് വിൽഷെയറിനെ പരിശീലകൻ ആയി എത്തിക്കുന്നത്.

പരിക്കുകൾ നിരന്തരം അലട്ടിയ ദൗർഭാഗ്യകരമായ ഫുട്‌ബോൾ കരിയറിന് 2 വർഷം മുമ്പാണ് മുൻ ഇംഗ്ലീഷ് താരം വിരാമം ഇട്ടത്. അതിനു ശേഷം പരിശീലക ജോലിയിലേക്ക് തിരിഞ്ഞ വിൽഷെയർ ആഴ്‌സണൽ അക്കാദമി ടീമിനെ ആണ് പരിശീലിപ്പിച്ചു കരിയർ തുടങ്ങിയത്. നിലവിൽ ഇംഗ്ലീഷ് ചാമ്പ്യൻഷിപ്പിൽ ഏഴാം സ്ഥാനത്തുള്ള നോർവിച്ചിനെ ഉടൻ തന്നെ പ്രീമിയർ ലീഗിൽ എത്തിക്കുക ആവും വിൽഷെയറിന്റെ ലക്ഷ്യം.