ഇന്നത്തെ കേരള ബ്ലാസ്റ്റേഴ്സിന്റെ ചെന്നൈയിന് എതിരായ മത്സരത്തിലെ വലിയ വിജയത്തിൽ അഭിമാനം ഉണ്ട് എന്ന് കേരള ബ്ലാസ്റ്റേഴ്സ് പരിശീലകൻ പറഞ്ഞു. ഇന്ന് ഈ വിജയം ആഘോഷിക്കും എന്നും എന്നാൽ നാളെ പുലർന്നാൽ വീണ്ടും കഠിന പ്രയത്നം ടീം തുടങ്ങും എന്നും ഇവാൻ പറഞ്ഞു. ഈ വിജയവും പ്രകടനവും തുടരാൻ തന്നെയാണ് ടീമിന്റെ ആഗ്രഹം. നല്ല ടീമുകൾ ഇടക്ക് കുറച്ച് നല്ല വിജയങ്ങൾ നേടും, മികച്ച വലിയ ടീമുകൾ സ്ഥിരമായി വിജയിച്ചു കൊണ്ടേയിരിക്കും. നമ്മുക്ക് അങ്ങനെയുള്ള ടീമാണ് ആകേണ്ടത്. ഇവാൻ പറഞ്ഞു.
ടീമിന് എല്ലാ മത്സരവും വിജയിക്കാനുള്ള ആർത്തി വേണം. ഏതു ഘട്ടത്തിലും വിജയിക്കാൻ ആകും എന്ന വിശ്വാസം വേണം. ഇതൊക്കെ ഉണ്ടാക്കി എടുക്കാനാണ് കേരള ബ്ലാസ്റ്റേഴ്സ് ശ്രമിക്കുന്നത്. ഇവാൻ പറയുന്നു. ഇന്നത്തെ ക്ലീൻസ് ഷീറ്റ് ടീമിന് ആത്മവിശ്വാസം നൽകുന്നുണ്ട്. ഇനി മുന്നിൽ ഉള്ളതും വലിയ മത്സരങ്ങളാണ് ഇനി ആ മത്സരങ്ങൾക്കായുള്ള ഒരുക്കമാണ്. ഇവാൻ പറഞ്ഞു.
