സൗഹൃദ മത്സരത്തിൽ ഇറ്റലിയെ സമനിലയിൽ കുടുക്കി ഉക്രൈൻ. മത്സരത്തിൽ ആധിപത്യം പുലർത്തിയിട്ടും ഗോൾ നേടാനാവാതെ പോയതാണ് ഇറ്റലിക്ക് വിനയായത്. ഗോൾ രഹിതമായ ആദ്യ പകുതിക്ക് ശേഷം രണ്ടാം പകുതിയിലാണ് മത്സരത്തിലെ ഗോളുകൾ പിറന്നത്.
ബർണർഡേഷിയിലൂടെ ഇറ്റാലിയണ് മത്സരത്തിൽ ആദ്യം ഗോൾ കണ്ടെത്തിയത്. ഉക്രൈൻ ഗോൾ കീപ്പർ പ്യാറ്റോവ് വരുത്തിയ പിഴവാണ് ഗോളിൽ കലാശിച്ചത്. എന്നാൽ അധികം താമസിയാതെ മലിനോവ്സ്കിയിലൂടെ ഉക്രൈൻ സമനില പിടിച്ചു.
ഇറ്റലിയിൽ അടുത്തിടെ ഉണ്ടായ അപകടത്തിൽ പെട്ട് മരിച്ചവരെ ആദരിച്ച് കൊണ്ട് മത്സരത്തിന്റെ 43ആം മിനുട്ടിൽ മത്സരം നിർത്തിവെച്ചുകൊണ്ട് കളിക്കാരും കാണികളും മരിച്ചവരെ ഓർമിച്ചു.
