ഇറ്റാലിയൻ സീരി എയിൽ ഇറ്റാലിയൻ ഡാർബിയിൽ ഇന്റർ മിലാൻ യുവന്റസ് മത്സരം 4-4 എന്ന സ്കോറിന് സമനിലയിൽ പിരിഞ്ഞു. രണ്ടും മൂന്നും സ്ഥാനത്ത് നിൽക്കുന്ന ടീമുകൾ തമ്മിലുള്ള പോരാട്ടം അതുഗ്രൻ ക്ലാസിക് തന്നെയാണ് കാണികൾക്ക് സമ്മാനിച്ചത്. സാൻ സിറോയിൽ ഇന്ററിന് എതിരെ 5 ഷോട്ട് ഗോളിൽ ഉതിർത്ത യുവന്റസ് നാലു ഗോളുകൾ നേടി മത്സരം സമനിലയിൽ ആക്കുക ആയിരുന്നു. 15 മത്തെ മിനിറ്റിൽ സെലിൻസ്കിയുടെ പെനാൽട്ടിയിലൂടെ ഇന്റർ ആണ് മത്സരത്തിൽ മുന്നിൽ എത്തിയത്. എന്നാൽ 20, 26 മിനിറ്റുകളിൽ വ്ലാഹോവിച്, ടിം വെയ എന്നിവരുടെ ഗോളുകളിൽ യുവന്റസ് മത്സരത്തിൽ മുൻതൂക്കം പിടിച്ചു.
എന്നാൽ 35, 37 മിനിറ്റുകളിൽ 2 മിനിറ്റിൽ 2 ഗോൾ കണ്ടെത്തിയ ഇന്റർ മുൻതൂക്കം തിരിച്ചു പിടിച്ചു. മികിത്യാരൻ ഗോൾ നേടിയ ശേഷം രണ്ടാം പെനാൽട്ടി ഗോൾ കണ്ടെത്തിയ സെലിൻസ്കി ആണ് ഇന്ററിന് 3-2 ന്റെ മുൻതൂക്കം നൽകിയത്. രണ്ടാം പകുതിയിൽ 53 മത്തെ മിനിറ്റിൽ ഡെൻസൽ ഡംഫ്രീസ് നേടിയ ഗോൾ കൂടിയായപ്പോൾ ഇന്റർ ജയം പ്രതീക്ഷിച്ചു. എന്നാൽ 62 മത്തെ മിനിറ്റിൽ പകരക്കാരനായി ഇറങ്ങിയ കെനൻ യിൽദിസ് 71 മത്തെ മിനിറ്റിലും 82 മത്തെ മിനിറ്റിലും നേടിയ ഗോളുകളിൽ യുവന്റസ് സമനില പിടിക്കുക ആയിരുന്നു. ഇറ്റാലിയൻ സീരി എ ക്ലാസിക് മത്സരം തന്നെയാണ് ഇന്ന് ഇരു ടീമുകളും സാൻ സിറോയിൽ സമ്മാനിച്ചത്.
