അണ്ടര് 19 ഏഷ്യ കപ്പില് വിജയം തുടര്ന്ന് ഇന്ത്യ. യുഎഇയ്ക്കെതിരെ 227 റണ്സിന്റെ ജയമാണ് ഇന്ത്യ ഇന്ന് സ്വന്തമാക്കിയത്. ദേവദത്ത് പടിക്കല്(121), അനുജ് റാവത്ത്(102) എന്നിവരുടെയും മറ്റു താരങ്ങളുടെയും പിന്തുണയോടെ 354/6 എന്ന സ്കോര് നേടിയ ഇന്ത്യ 127 റണ്സിനു യുഎഇയെ പുറത്താക്കുകയായിരുന്നു. 33.5 ഓവറിലാണ് യുഎഇ ഓള്ഔട്ട് ആയത്.
അലി മിര്സ യുഎഇയുടെ ടോപ് സ്കോററായി. 41 റണ്സാണ് മിര്സ സ്വന്തമാക്കിയത്. 6 വിക്കറ്റ് നേടിയ സിദ്ധാര്ത്ഥ് ദേശായി ആണ് ഇന്ത്യന് ബൗളര്മാരില് തിളങ്ങിയത്. കളിയിലെ താരമായി തിരഞ്ഞെടുക്കപ്പെട്ടത് ദേവദത്തിനെയാണ്.
