ഓസ്ട്രേലിയയ്ക്കെതിരെ മിന്നും തുടക്കത്തിന് ശേഷം അധികം റണ്‍സ് നേടാനാകാതെ ഇന്ത്യ. ഇന്ത്യയുടെ ഓപ്പണര്‍ ഷഫാലി വര്‍മ്മ നല്‍കിയ മിന്നും തുടക്കത്തിന് ശേഷം അതിവേഗം സ്കോര്‍ ചെയ്യാനാകാതെ പോയപ്പോള്‍ ഇന്ത്യയ്ക്ക് 20 ഓവറില്‍ നിന്ന് 132 റണ്‍സ് മാത്രമേ 4 വിക്കറ്റ് നഷ്ടത്തില്‍ നേടാനായുള്ളു.
4.1 ഓവറില്‍ 41/1 എന്ന നിലയില്‍ നിന്ന് 47/3 എന്ന നിലയിലേക്ക് വീണ ഇന്ത്യയെ നാലാം വിക്കറ്റില് ജമീമ റോഡ്രിഗസ്-ദീപ്തി ശര്‍മ്മ കൂട്ടുകെട്ടാണ് മുന്നോട്ട് നയിച്ചത്. നേരത്തെ ഷഫാലി 15 പന്തില്‍ നിന്ന് 29 റണ്‍സ് നേടി മികച്ച തുടക്കമാണ് ടീമിന് നല്‍കിയത്.
സ്മൃതി മന്ഥാന(10), ഹര്‍മ്മന്‍പ്രീത് കൗര്‍(2) എന്നിവര്‍ പരാജയപ്പെട്ടപ്പോള്‍ ദീപ്തി ശര്‍മ്മയാണ് ടീമിന്റെ ടോപ് സ്കോറര്‍. ദീപ്തി പുറത്താകാതെ 49 റണ്‍സാണ് നേടിയത്.
ഓസ്ട്രേലിയയ്ക്കായി ജെസ്സ് ജോനാസ്സെന്‍ രണ്ട് വിക്കറ്റ് നേടി.
