സിഡ്നി ടെസ്റ്റിന്റെ ആദ്യ ദിവസം ഓസ്ട്രേലിയന്‍ പ്രതീക്ഷകള്‍ തകര്‍ത്ത് ഇന്ത്യ. നാല് വിക്കറ്റുകള്‍ നഷ്ടമായെങ്കിലും ചേതേശ്വര്‍ പുജാരയുടെ ഇന്നിംഗ്സിന്റെ ബലത്തില്‍ ഇന്ത്യ 303 റണ്‍സാണ് ഒന്നാം ദിവസം നേടിയത്. പുജാരയ്ക്കൊപ്പം 77 റണ്‍സ് നേടിയ മയാംഗ് അഗര്‍വാളും തിളങ്ങി. വിരാട് കോഹ്‍ലി(23), അജിങ്ക്യ രഹാനെ(18), കെഎല്‍ രാഹുല്‍(9) എന്നിവരാണ് പുറത്തായ താരങ്ങള്‍.
130 റണ്‍സ് നേടി നില്‍ക്കുന്ന പുജാരയ്ക്കൊപ്പം 39 റണ്‍സുമായി ഹനുമ വിഹാരിയാണ് ക്രീസില്‍ നില്‍ക്കുന്നത്. ഓസ്ട്രേലിയയ്ക്ക് വേണ്ടി ജോഷ് ഹാസല്‍വുഡ് രണ്ടും മിച്ചല്‍ സ്റ്റാര്‍ക്ക്, നഥാന്‍ ലയണ്‍ എന്നിവര്‍ ഓരോ വിക്കറ്റും നേടി.
