കോമൺവെൽത്ത് വനിത ഹോക്കിയിൽ വെങ്കല മെഡൽ നേടി ഇന്ത്യ. ഇന്ന് നടന്ന വെങ്കല മെഡൽ മത്സരത്തിൽ മത്സരത്തിന്റെ ബഹുഭൂരിപക്ഷവും ഇന്ത്യ 1-0 എന്ന നിലയിൽ മുന്നിലായിരുന്നുവെങ്കിലും സെക്കന്ഡുകള് അവശേഷിക്കവേ ഇന്ത്യ സമനില വഴങ്ങുകയായിരുന്നു.
ഷൂട്ടൗട്ടിൽ ഇന്ത്യ 2-1 എന്ന സ്കോറിനാണ് വിജയിച്ചത്. ഒളിമ്പിക്സ് നാലാം സ്ഥാനത്ത് എത്തുവാന് ഇന്ത്യന് വനിതകള്ക്ക് സാധിച്ചിരുന്നു. സലീമ ടെടേ ആണ് നിശ്ചിത സമയത്ത് ഇന്ത്യയുടെ ഗോള് നേടിയത്. സെക്കന്ഡുകള് അവശേഷിക്കെ ഒലീവിയ മെറി ആണ് പെനാള്ട്ടി സ്ട്രോക്കിലൂടെ ന്യൂസിലാണ്ടിനായി സമനില കണ്ടെത്തിയത്.
ഷൂട്ടൗട്ടിൽ മെഗാന് ഹള് ന്യൂസിലാണ്ടിനെ മുന്നിലെത്തിച്ചപ്പോള് സോണികയും നവ്നീത് കൗറും ഇന്ത്യയ്ക്കായി സ്കോര് ചെയ്തു.
