ന്യൂസിലാണ്ടിനെ 3-1നു പരാജയപ്പെടുത്തി ഇന്ത്യന്‍ ഹോക്കി ടീമിനു വീണ്ടും വിജയം. ജപ്പാനെ ആദ്യ മത്സരത്തില്‍ 6-0നു തകര്‍ത്തെത്തിയ ഇന്ത്യയ്ക്ക് രണ്ടാം മത്സരത്തില്‍ എന്നാല്‍ ബെല്‍ജിയത്തോട് തോല്‍വി ഏറ്റു വാങ്ങേണ്ടി വന്നു. ഇന്ന് പുലര്‍ച്ചെ ന്യൂസിലാണ്ടില്‍ നടന്ന മത്സരത്തില്‍ മികച്ച പ്രകടനം പുറത്തെടുത്ത ഇന്ത്യ വിജയം നേടുകയായിരുന്നു.
രണ്ടാം മിനുട്ടില്‍ തന്നെ ഗോള്‍ നേടി ഇന്ത്യ ഹര്‍മ്മന്‍പ്രീത് സിംഗിലൂടെ ലീഡ് ഉറപ്പിച്ചു. രണ്ടാം ക്വാര്‍ട്ടര്‍ തുടങ്ങി ഏറെ വൈകാതെ ദില്‍പ്രീത് സിംഗ് ഇന്ത്യയുടെ ലീഡ് രണ്ടാക്കി ഉയര്‍ത്തി. ആദ്യ പകുതി അവസാനിക്കുമ്പോള്‍ ഇന്ത്യ 2-0നു മുന്നിലായിരുന്നു.
രണ്ടാം പകുതിയില്‍ 42ാം മിനുട്ടില്‍ ഇന്ത്യയ്ക്കെതിരെ ഒരു ഗോള്‍ മടക്കി ന്യൂസിലാണ്ട് തിരിച്ചുവരവിന്റെ സൂചനകള്‍ കാണിച്ചു. കെയിന്‍ റസ്സല്‍ ആയിരുന്നു സ്കോറര്‍. 5 മിനുട്ടുകള്‍ക്കകം ഒരു ഗോള്‍ തിരിച്ചടിച്ച് ഇന്ത്യ 3-1 ന്റെ ലീഡ് നേടി. അതേ സ്കോറിനു തന്നെ ഫൈനല്‍ വിസില്‍ സമയത്ത് ജയം സ്വന്തമാക്കുവാനും ഇന്ത്യയ്ക്കായി.
കൂടുതൽ കായിക വാർത്തകൾക്ക് : www.facebook.com/FanportOfficial
